琴日從大陸返港準備晚上番學...心情差到極點...
無論o向屋企..朋友..公司..學校..甚至係o向聖堂...
個個都要我就...要我讓步....真係我好蝦d咩???
當我聽到姑姐個電話既時候...我真係覺得好委屈...
我強忍淚水...直至收線...心裡雖然感激...但已講不出聲...
我敢擔保...只要再說一句...我就會開水喉....唯有支吾收線...
到我打比妹妹...真係忍唔住了...崩潰了....點解???點解又要係我呀???
好唔容易...平靜了...mum又打黎...水喉又不住地開了.....
心不甘...情不願的...我寫了....跟住草草咁收拾左一下....要出門了...
我唔想番學遲到...更唔想撞到唔想見到既人....理唔到咁多啦...
眼睛仍然帶著喊完既通紅....就出街啦...
o向街上...我盡量唔昂起頭...唔想比人見到我個樣.....
到上車之後...我冇好似平時咁...一上車就訓...
反而...唔開心既事不停咁o向腦裡面轉....
不知不覺間...暖暖既淚水又滑落了...我趕緊擦掉...以免嚇親人...
好在我隔離冇人坐即...否則人地一定以為我係傻既....
番到學校...同學似乎都發現左我有d唔妥....
琴日既我...實在太沉默啦....而且雙眼通紅...
有人問我咩事...有識做既同事就話...
佢唔願講野又眼都紅晒...梗係唔夠訓啦...
我咪話係呀係呀law...跟住成晚冇人敢撩我傾偈lu...
番到屋企....mum留左湯比我...我飲左湯...沖埋涼就訓lu...
冇同老豆講過野....望都冇望過佢....well...
可能佢仲以為我"唔敢"同佢講野....好得戚啦...ok喎...
總之我就會有一排唔同佢講野架啦.....
今日心情持續低落...不過由於放左幾日假...勁忙....
冇咩時間唔開心...只係冇咩心機姐....

今日雖然係放假...不過...完全唔見得得閒....
今朝9點就起左身...開始做功課....
勁煩law...我岩岩梳洗完....
d功課都未拎完出黎...mum就打左4次番黎(佢地今早出發上大陸)
係4次呀...ohno....不停咁吩咐我呢樣果樣...
又要做呢做lo...又要我聽日幫佢地拎咩上去....
唉...佢地明明有4隻手都唔拎....仲要我聽早8:30前出門口添...
我以為今次可以輕輕鬆鬆兩手fingfing咁上去...
結果...又係要我1抽2lung咁...激死...
****************************
我一如過往...一見到數字就頭都痛埋...
我今日真係好勤力架...一路都冇停過...
因為我知道呢家野係冇人可以幫到我既...
既然決定左...就要全力以赴..做到最好...
雖然黎緊呢幾年都將會好辛苦...
不過我相信辛苦過後就會一天都光晒架勒...
跟住果個sem..我都係報左3科...
唔知係咪全部都ok呢???如果係既話...
sorry...要date我既...就要預早同我度期啦...
而家我又要趕住去上堂啦...bye
****************************
(23:45)
放學番黎...入左門口冇耐....又收到mum既instruction....
正確d黎講...係老豆既instruction...佢只係個傳聲筒即...
今次要拎既野...wow...居然係...一支拔蘭地....有冇搞錯...
食左今日lunch食剩既小小飯(上堂前太趕冇食野)then沖涼
岩岩洗落機衫....就要坐番埋黎個pc面前...準備做另一個功課...
呢個比起我日頭果樣好好多...係groupwork黎既...
我只須要做一部份...份功課係我地上個禮拜六特登約出黎傾既....
同d groupmates agree左...聽日要send自己果part比其中一個同學....
佢會gather埋一齊...我地tues落堂後再discuss...
好啦...我要加油努力比心機啦!!!!!

唔係比藉口自己...而係...真係太忙啦...
一星期有三晚要番學...唔洗番果d時間....
就同friend食飯同OT...仲有...o向OT後番屋企dinner...
琴日岩岩寄出左d forms....下個sem又係一個禮拜三晚..
希望我既努力唔會白費...辛苦可以得到回報啦....
新既一年已經開始左10日...我要好好咁為自己定下2008年既目標.....
今年要繼續努力...盡快完成個cert course...向diploma邁進.....
另外...要盡量每日上黎同大家傾下偈...唔好比大家話我失左蹤...
係啦...我知道啦....幾唔得閒都要寫一句丫麻...
學大頭阿爺話齋...每日寫blog既其中一個功能就係...
要比人知道"我仲健在"....即使見我唔到都知我未死...
最重要係...我曾經真係花左好多心機去setup個blog架....
唔用咪好蝕law....一定要用盡佢...haha
我而家o向公司一有小小空檔...就會開好友既blog黎睇...
有時太耐冇見...唯有靠咁樣update下啦....
一味淨係o向庶攞料...一d貢獻都冇....唔係幾好意思既....
所以....都係的起心肝寫番啦...黃小姐...你都係呀...
個blog做得咁好...唔好放棄佢呀....

原來又成幾個月冇寫blog啦喎..我究竟幾時先可以好好地養成呢個習慣...唔好半途而廢呢???今日我地家族拜山...細表問左我一個IQ題...想同大家分享...識答就答啦喎...有隻狗被發現死o向沙漠既電燈柱邊...你估佢點死架呢???我好叻..我估到...哈哈!!!希望你地仲未放棄我入黎睇到啦...

**ps.我個新blog呀...哈哈....係啦..又成日唔寫...學咩人開新呢???

http://clementine-daigaje.spaces.live.com

今日雖然係長週....但係下晝有我等左好耐既節目....就係同Winnie+阿V去石澳BBQ勒....係...你地冇睇錯....又係同佢地兩個呀......仲要我上個禮拜先B過BQ.....但係其實我地好耐之前已經約左架啦....放工後就拿拿聲同佢地匯合....然後一齊去買野...

今日係V既生日...我同W約左佢食飯...地點係壽星女揀既....銅鑼灣壽司亭....L話佢今日要上堂....唔join我地....ok喎...我都唔鍾意勉強人......佢唔o係度我地一樣玩得咁開心(可能就係佢唔o係度先可以咁)....唔知由幾時開始....我地同L好似有好大隔膜....有佢o係度好似冇傾/玩得咁free....有d野...佢o係度我地唔會講/做....但明明唔影響佢/唔關佢事/亦唔係唔比得佢知....只係唔知點解...我地3個好似有左共識....唔駛出聲都知道有邊d野會o係得我地3個既時候先講/做...講番今晚先...我地今日好早就食飽飽....V話想去金百利睇鞋....我地由底行到上頂...但都係無工而還....之後我地一齊搭地地番屋企....我地仲o係地站買左Mrs. Fields添呀....我同V同W星期六又見啦....又冇L份....我發現而家除左同大家食生日飯外...好似我地每次既活動都冇預L....佢亦唔會主動約我地....唔通我地既關係以後只會越來越疏離???呢一刻...我既願望係......同V同W永遠都係好朋友...好姊妹......

今日去左赤柱Maryknoll燒野食...由於欠缺照明系統既關係...大家一路都好擔心d野唔熟....其中以雞扒最危險...最後...我都係"lai"左野....最初咬落去都熟既...點知....中間...唉...於是我重新將塊雞扒穿番落隻叉...我地大約十點鐘番歸...o係回程既途中...我開始有少少肚痛...唔知關唔關食左生野事呢???

花盡我"九牛二虎之力"...終於將我yahoo blog果d野過晒黎....其實講落好似有d誇...但係對於一個電腦白痴黎講...(一般既winword/excel我都ok既)...要將個舊blog搬過黎...又要decorate過個新blog...係好吃力既一件事黎架....最慘係唔識....下下要摸好耐先做到少少成績....大家可以留意下...我yahoo個blog都係今年年頭至開ga ja...每一次搬我都覺得好辛苦架...但為左長久既安樂....冇法啦....而家總算"苦盡甘來"...希望今次係我最後一次搬啦...在此...我要特別多謝太后...佢不但介紹左呢個正blog比我...當我唔識set個counter時...我打電話比佢求救...佢都好好人咁教我點整...真係唔該晒...我而家真係好開心呀...希望你地多d visit同留言啦...我諗我會比心機d keep住寫架啦....

經過深思熟慮之後....我決定為我呢個(kellili@sinagirl.com)已經唔用既account....搵番失落左既存在價值...我用左佢黎註冊我新既sina blog..haha...我今次真係成功左啦.....我頭先仲試過搬個舊blog d野過黎都ok喎....不過我諗都係要花d時間先得架啦...希望我今次真係會比心機d....有恆心d啦...