<![CDATA[大家姐e手帳]]> http://kellili.mysinablog.com Wed, 16 Jan 2008 13:31:17 +0800 mysinablog-2.0 http://mysinablog.com/gallery/55/102/26167/profile.jpg <![CDATA[大家姐e手帳]]> http://kellili.mysinablog.com <![CDATA[何必偏偏選中我]]> 琴日從大陸返港準備晚上番學...心情差到極點...
無論o向屋企..朋友..公司..學校..甚至係o向聖堂...
個個都要我就...要我讓步....真係我好蝦d咩???
當我聽到姑姐個電話既時候...我真係覺得好委屈...
我強忍淚水...直至收線...心裡雖然感激...但已講不出聲...
我敢擔保...只要再說一句...我就會開水喉....唯有支吾收線...
到我打比妹妹...真係忍唔住了...崩潰了....點解???點解又要係我呀???
好唔容易...平靜了...mum又打黎...水喉又不住地開了.....
心不甘...情不願的...我寫了....跟住草草咁收拾左一下....要出門了...
我唔想番學遲到...更唔想撞到唔想見到既人....理唔到咁多啦...
眼睛仍然帶著喊完既通紅....就出街啦...
o向街上...我盡量唔昂起頭...唔想比人見到我個樣.....
到上車之後...我冇好似平時咁...一上車就訓...
反而...唔開心既事不停咁o向腦裡面轉....
不知不覺間...暖暖既淚水又滑落了...我趕緊擦掉...以免嚇親人...
好在我隔離冇人坐即...否則人地一定以為我係傻既....
番到學校...同學似乎都發現左我有d唔妥....
琴日既我...實在太沉默啦....而且雙眼通紅...
有人問我咩事...有識做既同事就話...
佢唔願講野又眼都紅晒...梗係唔夠訓啦...
我咪話係呀係呀law...跟住成晚冇人敢撩我傾偈lu...
番到屋企....mum留左湯比我...我飲左湯...沖埋涼就訓lu...
冇同老豆講過野....望都冇望過佢....well...
可能佢仲以為我"唔敢"同佢講野....好得戚啦...ok喎...
總之我就會有一排唔同佢講野架啦.....
今日心情持續低落...不過由於放左幾日假...勁忙....
冇咩時間唔開心...只係冇咩心機姐....

]]> http://kellili.mysinablog.com/index.php?op=ViewArticle&articleId=961696 http://kellili.mysinablog.com/index.php?op=ViewArticle&articleId=961696 http://kellili.mysinablog.com/index.php?op=ViewArticle&articleId=961696 Wed, 16 Jan 2008 13:31:17 +0800 <![CDATA[Annual Leave]]> 今日雖然係放假...不過...完全唔見得得閒....
今朝9點就起左身...開始做功課....
勁煩law...我岩岩梳洗完....
d功課都未拎完出黎...mum就打左4次番黎(佢地今早出發上大陸)
係4次呀...ohno....不停咁吩咐我呢樣果樣...
又要做呢做lo...又要我聽日幫佢地拎咩上去....
唉...佢地明明有4隻手都唔拎....仲要我聽早8:30前出門口添...
我以為今次可以輕輕鬆鬆兩手fingfing咁上去...
結果...又係要我1抽2lung咁...激死...
****************************
我一如過往...一見到數字就頭都痛埋...
我今日真係好勤力架...一路都冇停過...
因為我知道呢家野係冇人可以幫到我既...
既然決定左...就要全力以赴..做到最好...
雖然黎緊呢幾年都將會好辛苦...
不過我相信辛苦過後就會一天都光晒架勒...
跟住果個sem..我都係報左3科...
唔知係咪全部都ok呢???如果係既話...
sorry...要date我既...就要預早同我度期啦...emotion
而家我又要趕住去上堂啦...bye
****************************
(23:45)
放學番黎...入左門口冇耐....又收到mum既instruction....
正確d黎講...係老豆既instruction...佢只係個傳聲筒即...
今次要拎既野...wow...居然係...一支拔蘭地....有冇搞錯...
食左今日lunch食剩既小小飯(上堂前太趕冇食野)then沖涼
岩岩洗落機衫....就要坐番埋黎個pc面前...準備做另一個功課...
呢個比起我日頭果樣好好多...係groupwork黎既...
我只須要做一部份...份功課係我地上個禮拜六特登約出黎傾既....
同d groupmates agree左...聽日要send自己果part比其中一個同學....
佢會gather埋一齊...我地tues落堂後再discuss...
好啦...我要加油努力比心機啦!!!!!

]]> http://kellili.mysinablog.com/index.php?op=ViewArticle&articleId=954090 http://kellili.mysinablog.com/index.php?op=ViewArticle&articleId=954090 http://kellili.mysinablog.com/index.php?op=ViewArticle&articleId=954090 Fri, 11 Jan 2008 17:45:05 +0800 <![CDATA[重新上路]]> 唔係比藉口自己...而係...真係太忙啦...
一星期有三晚要番學...唔洗番果d時間....
就同friend食飯同OT...仲有...o向OT後番屋企dinner...
琴日岩岩寄出左d forms....下個sem又係一個禮拜三晚..
希望我既努力唔會白費...辛苦可以得到回報啦....
新既一年已經開始左10日...我要好好咁為自己定下2008年既目標.....
今年要繼續努力...盡快完成個cert course...向diploma邁進.....
另外...要盡量每日上黎同大家傾下偈...唔好比大家話我失左蹤...
係啦...我知道啦....幾唔得閒都要寫一句丫麻...
學大頭阿爺話齋...每日寫blog既其中一個功能就係...
要比人知道"我仲健在"....即使見我唔到都知我未死...
最重要係...我曾經真係花左好多心機去setup個blog架....
唔用咪好蝕law....一定要用盡佢...haha
我而家o向公司一有小小空檔...就會開好友既blog黎睇...
有時太耐冇見...唯有靠咁樣update下啦....
一味淨係o向庶攞料...一d貢獻都冇....唔係幾好意思既....
所以....都係的起心肝寫番啦...黃小姐...你都係呀...
個blog做得咁好...唔好放棄佢呀....

]]> http://kellili.mysinablog.com/index.php?op=ViewArticle&articleId=952362 http://kellili.mysinablog.com/index.php?op=ViewArticle&articleId=952362 http://kellili.mysinablog.com/index.php?op=ViewArticle&articleId=952362 Thu, 10 Jan 2008 16:24:01 +0800 <![CDATA[放題]]> 琴日係母親大人既生日...由於我既生日只係o向前幾日...
所以我地一般都係夾埋一齊食一餐既...
換言之...每年Mum既生日飯我都係有份食而唔駛比錢既...emoticon
今年..妹妹斥資請我地去碗屋食日式自助餐...
之前公司請食飯去過...覺得好好味..所有食物都好新鮮...
估唔到..今次妹妹主動話請我地去...嘩...超開心呀...
當然啦...佢都好醒目...搵左我阿爸同佢"一份"...
係呀..你冇睇錯我冇打錯...係"一份"....."份" - 音粉.....
呢個係我妹妹由細用開既術語..."一份"即係我地平常人講既"兩份"..
而佢既詮釋呢..就係..兩個人或以上..去共同使用/享用or一齊做一樣野...
係將果"一"個整體去攤"分"...所以呢個稱之為"一份"...
以琴晚為例...妹妹搵左我阿爸同佢"一份"...
即係佢只需要比一半錢...另一半就係我阿爸負責勒...
講番餐飯先...真係好正...今次試埋上次冇食既火鍋....
嘩...好味到震呀...尤其係d烏冬同炭烏冬呀....葛絲都好...
不過美中不足既係...嗚...冇豆腐雪糕...明明上次有仲好好味gama...
今次換左個紅豆...我地要左兩個紅豆同兩個芝麻...都好好味...
我地食到大約21:20就埋單....跟住就搭地地番屋企...
妹妹同我輪流沖完涼就同Mum切蛋糕....係超群既cheese cake呀...
我請架...haha...都幾好味...我地只係每人食左小小...(因為大家仲好飽)
之後就將個cake放番入雪櫃...留番今晚再食...
琴晚我地大家都玩得好開心...多謝晒妹妹....
]]> http://kellili.mysinablog.com/index.php?op=ViewArticle&articleId=685735 http://kellili.mysinablog.com/index.php?op=ViewArticle&articleId=685735 http://kellili.mysinablog.com/index.php?op=ViewArticle&articleId=685735 Fri, 20 Jul 2007 10:56:27 +0800 <![CDATA[熱到溶啦!!]]>
7月....係旺月....身邊真係好多人(包括我自己)生日...
先祝大家 : "生日快樂" "身體健康" "心想事成" (下省千字)
年紀越大對生日越冇細個果種興奮同雀躍...
今年生日適逢週六...唔駛番工...父母又去左旅行...
哈...居然好平靜咁過左...冇party...冇蛋糕...
一連兩日..執屋..打掃...妹妹好乖...冇去街...o向屋企陪我...
其實咁都幾好呀...我地夜晚一齊睇電視...一齊喪笑...
別有一番風味...好友們知道我冇出街玩都覺得好奇...
大家都話: 我以為你要留番同屋企人慶祝先唔敢約你正日咋...
做咩唔同我地講你free呀..........喂..各位...我嚴重聲明...
我果兩日過得好充實同好開心...一d都唔得閒...
你地係點都唔會date到我架...sorry...haha....
除左出席大小生日飯外...仲有特別既聚會...
上週與眾堂/表弟妹聚餐...慶祝表妹既"榮歸"...
除左傾偈...仲有好多靚相睇添...
今次係由有人工加既表弟"萬歲"...
多謝晒....真係有d唔好意思....emoticon
21號星期六會去BU同鄭太影畢業相...恭喜晒...
約左阿V...我地會早d出黎食lunch...
呢兩日公司個air-con神左....熱到死...好焗law...
好在有私伙hello kitty fan....如果唔係....不敢想像...
不過個fan好大食law...要4粒2A電...仲用一日就要換...
幾時先整番好架....好辛苦呀!!!!!!!
]]> http://kellili.mysinablog.com/index.php?op=ViewArticle&articleId=681916 http://kellili.mysinablog.com/index.php?op=ViewArticle&articleId=681916 http://kellili.mysinablog.com/index.php?op=ViewArticle&articleId=681916 Tue, 17 Jul 2007 19:11:12 +0800 <![CDATA[人 = 自尋煩惱既動物 ???]]>
有時候..做人好似好矛盾....
有d野等左好耐..到終於發生既時候...又嫌佢煩...
咁究竟係應該高興還是閉翳呢..
我諗如果煩完..可以令事情完滿解決既話...
又可妨煩下呢???係咪???
]]> http://kellili.mysinablog.com/index.php?op=ViewArticle&articleId=604197 http://kellili.mysinablog.com/index.php?op=ViewArticle&articleId=604197 http://kellili.mysinablog.com/index.php?op=ViewArticle&articleId=604197 Tue, 29 May 2007 13:46:13 +0800 <![CDATA[身心俱疲]]> 最近我甚至身邊既人身上..發生左好多唔如意既事...
加上每日o向公司對住果條會駁咀同打小報告既廢柴...
令我非常煩躁不安...心情唔好之餘又要晚晚OT...
番到屋企已經攰到死啦...但係硬係仲要睇人面色喎...
o向公司又係咁..o向屋企又係咁..做咩都要比人話...
做又鬧...唔做又鬧...究竟想我點即...放過我啦好唔好..
每晚咁夜放工..你估我想架咩..你估我好好受呀...
我係番工呀...要做架...要受氣架..唔係去玩呀...
點解我去到邊度都係咁吃力不討好既即...
我夜收工...係咪就唔可以有朋友..唔可以有娛樂呀...
有時番到屋企上網...CHECK下EMAIL..MSN...有時玩下小遊戲....
一個月先一兩次放工同朋友食飯...呢D係正常社交o者...
有咩問題呀...總之係我做既野..就冇一樣野睇得順眼....
點解呀...點解要咁對我即...我真係好辛苦呀....
好多時...啞子吃黃蓮...有苦自己知...可能你地會覺我好多牢騷...
但係呢D只係冰山一角...不平等..不順心既事唔係樣樣都同得人講既...
比人屈..比人出賣...到頭來都係要自己去承受...冇人幫到...
怪只怪自己信錯人...心太軟...不自量力....最終苦了自己....苦了人...
睇黎黑仔組組長呢個頭銜..都係搣唔甩架啦...整定一世跟住我...
就連痴心情長劍都...唉...唔好睇我平時唔緊唔要...其實我都好HURT架...
好友們成日都勸我..睇開D啦...放鬆D...唔開心既野唔好諗...唔好記住...
但係有時唔到我唔諗既...放心啦...我都係呻下o者...呻完就冇野架啦..
]]> http://kellili.mysinablog.com/index.php?op=ViewArticle&articleId=551883 http://kellili.mysinablog.com/index.php?op=ViewArticle&articleId=551883 http://kellili.mysinablog.com/index.php?op=ViewArticle&articleId=551883 Fri, 27 Apr 2007 23:56:23 +0800 <![CDATA[小花謝了]]> 今早與好姊妹通完電話後..一直耿耿於懷...
通過話筒我感受到佢既不快..何止不快...簡直近乎悲傷....
我完全想像唔到..我心目中既陽光小花會低落成咁...
一聽到佢果把無奈既聲音...我個心都沉左落去....
我自覺我做得唔好...雖然我有對佢講安慰既說話...
但係我果把自己都說服唔到自己既聲音...真係幫到佢咩??
希望佢能夠盡快重新振作..重現昔日可愛小公主既型像啦..
]]> http://kellili.mysinablog.com/index.php?op=ViewArticle&articleId=551274 http://kellili.mysinablog.com/index.php?op=ViewArticle&articleId=551274 http://kellili.mysinablog.com/index.php?op=ViewArticle&articleId=551274 Tue, 24 Apr 2007 12:04:38 +0800 <![CDATA[假期後遺症]]>
經過左6日既放縱生活...一切BACK TO NORMAL...
無奈...好眼訓..眼好攰...兼且仲未有衝勁博殺...
不過...STILL IN HOLIDY MOOD既...好明顯唔止我一個...
包括我公司既同事...同埋...我D客..哈哈!!
]]> http://kellili.mysinablog.com/index.php?op=ViewArticle&articleId=551271 http://kellili.mysinablog.com/index.php?op=ViewArticle&articleId=551271 http://kellili.mysinablog.com/index.php?op=ViewArticle&articleId=551271 Tue, 10 Apr 2007 14:22:18 +0800 <![CDATA[破咒]]>
之前聽好友講...AV打雀會輸甩褲...我又唔知喎...冇試過...
講左比阿妹知...佢話會咩???跟住大家都冇再講呢個話題...
直至到星期六...妹短週..我地同PARENTS飲茶後..姑姐同姑丈入黎...
因為MUM要買餸同煮飯..所以我打上半場..另外三隻腳就梗架啦...
結果...阿妹"慘淡"收場..其實下半場換腳後..佢都已經好番好多啦...
完場既時候...佢同我講..AV打雀真係會輸架....哈....但係佢又沙卜喎...
琴日居然仲敢打...結果又比佢一家羸番晒三家喎...離晒譜架...
之後佢同我講:原來都唔關AV事既...我話:嗯..你破左個咒啦...
佢話:唔係呢...都唔關呢樣野事...其實係個位既問題.......
事源係SAT上半場佢唔係坐平時果個"連羸位"...輸到扒街...
下半場一調番過去就立即好番D勒...琴日一開始就霸番果個位...
果然以一敵三...大殺三方...所以佢話:位原來真係唔可以亂坐架...
而MUM就好憤慨咁話...以後唔准佢坐果個位...但係我諗.....都幾難勒
]]> http://kellili.mysinablog.com/index.php?op=ViewArticle&articleId=551264 http://kellili.mysinablog.com/index.php?op=ViewArticle&articleId=551264 http://kellili.mysinablog.com/index.php?op=ViewArticle&articleId=551264 Mon, 02 Apr 2007 16:34:02 +0800 <![CDATA[大夫]]> 一段時間之前...我跟同事睇過一次"大夫"...
據講..呢個大夫雖然間中會鬧人..但係好好..好叻..
而且仲好多人睇添...我上次去..發現所言非虛...真係好多人
上一回..一見到大夫..佢就問我:"睇乜野呀你??見邊度唔妥??"
我:"唔係唔舒服..我.."都冇等我講完佢就話:"要調理啦即係"
我:"嗯"  大夫:"你都幾腫喎"  大夫話中醫分得好仔細..
腫都有分水腫,血腫..同埋..唔記得..總之三腫啦
我係屬血腫...佢問我想要幾多劑??煲茶定要藥粉???
我鬼知要幾多劑咩...我淨係問佢..藥粉同煲茶功效有冇分別..
佢話冇..只係落藥既份量有唔同...我梗係要粉啦..煲咁麻煩...
佢開左4劑比我..叫我試下先...飲晒啦..不過記得果時就飲一日...
4劑茶飲足2個星期...梗係冇用啦...同埋我諗我呢D都係手尾長架啦...
唔係一時三刻可以解決既事..而且..D藥又臭...我又夜放工喎...
睇完一次..我就冇再幫襯啦..其實我仲有好多奇難雜症...
要醫..就實有排醫...但最近我又想再去睇番...
我諗我唔可以唔理LAW...而家仲咁後生....咁多野唔妥....
遲早有一樣出事...到出事先醫就太遲啦...我決定都係要比心機...
比D耐性...金錢同時間...去睇好佢...HEHE.....搵日啦..
]]> http://kellili.mysinablog.com/index.php?op=ViewArticle&articleId=551258 http://kellili.mysinablog.com/index.php?op=ViewArticle&articleId=551258 http://kellili.mysinablog.com/index.php?op=ViewArticle&articleId=551258 Thu, 29 Mar 2007 10:37:22 +0800 <![CDATA[拜山]]> 原來又成幾個月冇寫blog啦喎..我究竟幾時先可以好好地養成呢個習慣...唔好半途而廢呢???emoticon今日我地家族拜山...細表問左我一個IQ題...想同大家分享...識答就答啦喎...有隻狗被發現死o向沙漠既電燈柱邊...你估佢點死架呢???我好叻emoticon..我估到...哈哈!!!希望你地仲未放棄我入黎睇到啦...emoticon

**ps.我個新blog呀...哈哈....係啦..又成日唔寫...學咩人開新呢???

http://clementine-daigaje.spaces.live.com

]]> http://kellili.mysinablog.com/index.php?op=ViewArticle&articleId=504990 http://kellili.mysinablog.com/index.php?op=ViewArticle&articleId=504990 http://kellili.mysinablog.com/index.php?op=ViewArticle&articleId=504990 Mon, 26 Mar 2007 00:41:11 +0800 <![CDATA[大日子??]]> 先兩日...我老細鄭重咁突登打長途電話番黎...
叫全世界11/12唔好遲到...有緊要野同我地講...
大家都話佢o係度玩野...琴日都番左黎啦...
明明星期一一早番黎講完幾句...
又要急急腳走去趕下場...
如果要講野...隨時都講得啦...
做咩要擇日擇時辰o即...多餘...
其實大家都估到佢想講咩啦...又o懶神秘...
]]> http://kellili.mysinablog.com/index.php?op=ViewArticle&articleId=551251 http://kellili.mysinablog.com/index.php?op=ViewArticle&articleId=551251 http://kellili.mysinablog.com/index.php?op=ViewArticle&articleId=551251 Sat, 09 Dec 2006 12:00:25 +0800 <![CDATA[Oh My God]]> 天主...究竟某某係唔係你故意放o係我附近....黎考驗我架呢??
我每日番工都要對住佢...真係好辛苦...
我已經盡力去說服自己...要愛你唔鍾意既人....
但係事實證明...我唔喜歡佢...並唔係我個人偏見...
而係佢確實係有問題...成日做埋o的克人憎既野...
一日到黑都比麻煩我....其他同事都冇佢符....
最慘就係同佢接觸得最多果個係我...仲要坐o係佢隔離添..
由最初我嘗試比o的耐性同佢講....but...冇用law...
全人類都知佢唔聽人講野...唔識野....咪問人law...冇所謂...
成日自把自為...以為自己好叻.....結果....錯晒....
話佢....仲駁咀....又唔改....好啦....等到佢肯問.....
唔止問一個人架喎....問夠三個....仲要challenge人添....
結果佢都係要用自己認為好既方法....到最後梗係又衰收尾啦...
既然....同佢講都嘥氣....我開始用紙筆寫低我比佢既advice....
佢做唔做就由得佢啦....漸漸...我同佢都冇乜兩句....
但係...問題並冇解決....佢依然每日都有新鮮麻煩事....
o的鑊仲越來越大添....真係鑊鑊新奇鑊鑊金......
今日又爆左煲大大煲...杰撻撻既蘇州屎比我執手尾....
但今次我諗我都保佢唔住....應該話...我根本唔知應該點幫佢...
連我自己都比佢搞到一身蟻.......
對住o的咁既人....點先可以做到寬容????
根本唔存在寬唔寬恕既問題....而係佢做出黎既野...
我諗冇人可以接受到law....至少我公司o的同事....
同客人....都.....唉....如果唔係...人地都唔會打黎投訴啦....
off左office hour都仲打緊我手提果隻添呀.......
唉....點收科呀.......有排煩......我老細next week番黎...仲死添呀....
我唔敢諗有咩後果....我唯有祝佢好運啦....
不過我見佢若無其事個樣....我諗佢仲唔覺自己有錯law....
死不悔改......唉....冇眼睇......
]]> http://kellili.mysinablog.com/index.php?op=ViewArticle&articleId=551232 http://kellili.mysinablog.com/index.php?op=ViewArticle&articleId=551232 http://kellili.mysinablog.com/index.php?op=ViewArticle&articleId=551232 Thu, 30 Nov 2006 00:25:17 +0800 <![CDATA[星期六 - 有好節目]]> http://kellili.mysinablog.com/index.php?op=ViewArticle&articleId=292955 http://kellili.mysinablog.com/index.php?op=ViewArticle&articleId=292955 http://kellili.mysinablog.com/index.php?op=ViewArticle&articleId=292955 Sat, 14 Oct 2006 23:58:21 +0800